Daily Archives: July 6, 2023

近日來黄秋生先生在臉書上貼上閲讀《聖經》的一些解讀，甚覺有趣： # （ 一小段根據解經書嘅聖經解讀 ） 起初，呢個起初唔係乜都冇嘅剛開始咁解，只係講創造天地嘅起初，衆神創造天地前已經有物質嘅存在。 起初，由一群神（elohim ）呢個字係衆數，所以係眾神，唔係一個神，呢一班神由一個眾神之神帶領之下創造萬物。 呢個創造，亦非由虛無開始， （ bara ）呢個字係翻新，更新，改造咁解，所以，眾神係改造既有嘅物質，重新創造萬物。 當時，呢類物質，聖經稱之為（ 地 ），被淹沒喺水下面，今日嘅地球當時只係一團混沌嘅物質，被水同黑暗所覆蓋，處於上一次被審判後嘅空虚混沌狀態。 （ 係咪好顛覆？玩下咋，可能我理解錯咗 ） #（ 淵面黑暗 ） 淵，即係深咁解，創世前淹沒全地嘅原初深海極為荒蕪幽暗。所謂淹沒全地，只係方便文字嘅形容特色，其實只有水，冇嘢喺内中被淹沒，因此先至難以想像咁深邃黑暗。 當時，神嘅靈運行喺水面上。神嘅靈只係傳統譯法，又可譯作（從神度嚟嘅風）（神風）（神嘅氣）等等。總之唔係氣就係風，無形無像嘅嘢，所以譯作靈。但係我認為風仲飄渺啲。於是，神嘅風喺深幽嘅水面上飛翔。（ 參考巴比倫創世神話：Marduk 殺咗女神tiamat. （鹹水海），然後用佢嘅骨創造天地。 ） #神說：要有光，就有了光。 呢個說字，並非語言咁解，而係命令，指令。我稱之為意志。 喺神“要有光“嘅意志指令時，就有咗光。呢個“要有” “就有了”係即時嘅，無時間性嘅，唔係發展而成嘅。 （ 思考： （1）言說，指令需要對像。（2）要有，便有。時間還未出現。 （ 發現一個奇怪嘅現象，我發表一下研讀聖經嘅理解，好似引起唔少不滿嘅回響咁，奇！） #（神看光是好的） 神經過觀察後，認為光係有利於生命嘅，因為凡有利於生命發展都係“好”嘅。於是將光同黑暗分開，神只係將光暗分隔，而唔係將黑暗消滅。佢保留黑暗，佢創造光，冇創造黑暗，黑暗喺光創造前已經存在，邊個創造黑暗？ 呢段係表達神嘅分辦能力，能分開所有正反事物，善惡，黑白，高低，聖俗等等。 #（ … Continue reading →